Argazkien, bideoen, ikus-entzunezkoen eta beste formatu batzuen produkzioa ezinbesteko tresna da edozein enpresaren komunikaziorako. Irudi eta sekuentzia horietan, denok ikusi ahal izango dute nortzuk zareten, zer egiten duzuen, eta horrek guztiak dakarren pasioa erakutsiko diozue munduari.

Kopilaneko instalazioetan, Elgoibarren, argazki-estudioa dugu produktu eta zerbitzuen argazkiak eta bideoak egiteko baliabide ezberdinekin. Gure bezeroen instalazioetara ere joaten gara era guztietako erreportajeak egiteko, bai argazkigintzakoak, bai bideo korporatiboak, industria-prozesuei, eraikuntzari, merkataritzari eta ostalaritzari buruzkoak. J.Berbel Estudioarekin dugun lankidetzari esker, argazkiak eta bideoak dronen bidez grabatzeko zerbitzua eskaintzen ditugu, eta, horretarako, pilotu titulua eta beharrezko aseguru guztiak ditugu.